هرتله على ضفاف النيل

الموضوع جامد جدا وما فهوش كسوف ولا حاجة يا باشمهندس
وعلى فكرة ده أول موضوع أرد عليه من مدة كبيرة

أنا مشكلتي اني ماليش هدف في الحياة بمعنى أصح مش طموح خالص
ومش عارف أنا عايز ايه من الدنيا أديني عايش والسلام
و أكبر مشكلة اني كسوووووول جدا

وفي مشكلة تانية اني بكون متردد أوي في اتخاذ قرارات كتير

هوا ايه الكلام الكبير اللي أنا كتبه ده
بس بجد هوا ده اللي أنا حسه دلوقتي
اللي شايف علاج لحالتي يا ريت يقول لي ومش عايز حد يقول اني كئيب دي مجرد دردشة عالماشي

اولا ( بما اني هنا في دور الدكتور النفسي طبعا ) فالحل لمشكلة كيمو اولا
لازم يا كيمو تخاف من الموت لان عدم خوفك منه دي لوحدها مشكلة لان الخوف منه هو الي بيبعد الانسان عن المعصية لانه بيبقى خايف لا يموت وهو بيعصي ربنا والعياذ بالله ،،،، لكن بقى موضوع خايف تموت وحيد ،، مالهاش حل بجد ، دي كلها بايد ربنا ،، بسم الله الرحمن الرحيم ( ولا تدري نفس ماذا تكسب غدا ، ولا تدري نفس بأي أرض تموت ) صدق الله العظيم
يعني لو مكتوب لك تموت وحيد وحدش جنبك يبقى هيحصل ولو مكتوب لك تموت وسط آلاف سواء عايشين او هيموتو معاك بردو هيحصل
اهم حاجة تهتم بيها هي انك هتموت ازاي واخر اعمالك اية وهل انت راضي عن نفسك كدة ومستعد للموت في اي لحظة ولا ،،،، لازم تراجع حساباتك تاني واعمل حسابك ان ملك الموت لما هيجي لك مش هيهتم بانك وحيد ولا كل الدنيا واقفة جنبك ،،، لا طبعا ، كل الي هيهمه اعمالك اية ظروفها ، يعني هتتعذب في الموت ولا لا ،،،، وطبعا لو اعمالك خير يبقى مش هيفرق معاك لو لوحدك او معاك ناس ،، وبردو لو اعمالك شر مش هينفعك وقفة كل الناس جنبك وقت الموت
اظن فهمت كلامي كويس يا كيمو ،،، اللهم احسن خواتمنا جميعا ،، آآآمين

اما نت بقى يا باش مهنس جينتل ،،، لازم وضروري جدا يكون عندك اهداف في حياتك ،، ممكن متكونش انت عارف تسلط الضوء عليها بدقة ،، لكن كدة كدة هي موجودة عندك والدليل هو الكلية الي انت دخلتها ،، ازاي قدرت تدخلها الا بالمذاكرة الجامدة مع توفيق ربنا طبعا ،، صح ؟؟ لو معندكش طموح او اهداف مكنتش هتذاكر وكنت هتدخل اي حاجة والسلام زي ما بتقول ( دة طبعا بعيد عن ظروف الناس الي بتضطر تدخل اي حاجة انا مش بقلل من قدرهم طبعا )
ممكن بقى يكون الي عندك دة بسبب انك شايف الظروف حواليك مضطربة من حيث الشغل والزواج والحياة بعد كدة ،، عشان كدة بتقول التخطيط للمستقبل مش جايب همه مثلا ،،، لكن طبعا دة شعور مؤقت بس وان شاء الله هتعود الثقة في نفسك وهيرج الطموح عندك تاني ( لان الطموح هو جزي من الامل ،،، والحياة متنفعش من غير امل ) اية رايك بقى في الحته دي من عند كريم نبيل هههههههه
اي خدمة ،،
الي بعده

انا مش راضى ان نفسى

مع انى وصلت لمكانه بجد اى شاب فى سنى يتمناه